من هو الشخص الذي يستطيع أن يدخل ملكوت الله؟ | د. ماهر صموئيل

من هو الشخص الذي يستطيع أن يدخل ملكوت الله؟ | د. ماهر صموئيل الفارق الشاسع بين النقطة التي يبدأ منها الدين والنقطة التي يبدأ منها الايمان المسيح، اتمنى إن ده يكون واضح لأنه كتير الكنايس والواعظ بيجاهد علشان يغير أخلاق الناس فالمنبر يصبح منبر أخلاقي أو منبر عقائدي إن كل شغلتنا نغير أخلاق الناس ونغير عقائد الناس، وعلى فكرة ده عمل نبيل، إنك فعلا تغير أخلاق الناس وتخلي الناس مثلا يدوا الفقراء، يبقوا أمناء في أشغالهم، يبقوا كويسين في تعاملاتهم مع زوجاتهم ويحترموا الحياة العائلية، حاجة حاجة كويسة جدا محتاجينها، ولما تغير معتقدات الناس من معتقدات خاطئة مضادة للكتاب المقدس وتعلم الناس تعليم صحيح حاجة حلوة جدا، بس اسمحوا لي أقول يا اخوتي إن تغيير الناس وتغيير معتقدات الناس واستبدال المعتقدات الخاطئة بتعاليم كتابية صحيحة مش هو اللي يدخل ملكوت الله، هل أنا مبتدع ولا ولا ده كلام يسوع؟ قال الحق الحق أقول لك إن كان أحد لا يولد من فوق لا يقدر أن يرى ملكوت الله، مشكلتك مش في أخلاقك مشكلتك مش في تعاليمك، مشكلتك في مصدرك، لابد من خلق كيان روحي جديد في داخلك الكيان ينبثق داخلك من عمل الروح القدس مع الكلمة المقدسة، يتولد كيان بتتخلق جوايا حاجة اسمها روح، يقول لأن المولود من الجسد جسد هو والمولود من الروح القدس هو روح، فبقي الشخص ده مش في دماغه معلومة ده في كيانه في كينونة جديدة في داخله روح، ودي بنقدر نحسها على فكرة، من الممكن الشخص يبقى متلمع من برة بالأخلاق متستف بالمعلومات الكتابية لكن هو في الحقيقة ما فيهوش روح، يقول عنهم في يهوذا 9 آية مخيفة مرعبة: "نفسانيون لا روح لهم" وهذا النفساني يؤمن وهذا النفساني يعتنق مبادئ كتابية لكن لا روح له.