ليه بنقول المسيحية ليست دين؟ وماذا يقدم الدين؟ | د. ماهر صموئيل

ليه بنقول المسيحية ليست دين؟ وماذا يقدم الدين؟ | د. ماهر صموئيل ليه بنقول إن المسيحية ليست دين؟ في الدين الناس ترتبط بالمقدس من أجل دوافع تجارية، التجارة تقوم على الصفقات هاخد منك حاجة وهدي لك حاجة، ما فيش حاجة ببلاش، أنت عايز حاجة عارف إنك هتاخدها وعارف إنك هتقدم مقابل، الديانة تقوم على التجارة، مش التجارة بمعناها المادي لكن بمعناها المعنوي، فأنا انسان لدي تلات مشاعر مزعجة جدا: الخوف الذنب الخزي، ما فيش حد ما بيخافش، الحياة غدارة، الظروف متقلبة، الزمن صعب وقاسي، الأمراض تفاجئنا، انهيارات الاقتصاد تفاجئنا، الحروب تفاجئنا، المستقبل غير مضمون، البشر متغيرون، كل شيء حوالينا يدعو للخوف، الأمر التاني اللي بنشترك فيه كلنا إن احنا خطاة وبنغلط ولأنه مخلوقين على صورة الله ولدينا ضمير فبنحس بالذنب لما بنغلط، الشعور بالذنب شعور مزعج، فعندي خوف وعندي ذنب، الشعور التالت واللي متجذر بعمق في نفسيات كل البشر هو شعور بالخزي، في حاجة مكسوف منها، في حاجة مش عاجباني في نفسي أتمنى أكون أفضل، أتمنى ما يكونش عندي حاجة أخجل منها، كل انسان عنده شعور بالخزي وبالتالي احنا بندور على حل للتلات مشاعر دول، عايزين الخوف يتبدد ونشتري الشعور بالأمان، محتاجين نطمن ولدينا هذا الذنب الذي يزعجنا فنحتاج لراحة الضمير، ولدينا أيضا شعور بالخجل وبالخزي، راجع معي هذه الفكرة وحلل وافحص أي منظومة دينية تجدها لا تقدم إلا هذه البضائع التلاتة، بتقدم للناس شعور بالأمان حل لكي تطمئن، الديانات تعترف إنك أخطأت بس بيقول لك إن فيه علاج ويقدم لك العلاج من الشعور بالذنب، وايضا يقدم لك تفوق وشعور بالأفضلية، الديانات تقوم على أولا إن في مجموعة عقائد لازم تؤمن بها وتنطق بها لازم ترددها، كمان فيه ممارسات لازم تمارسها، وقت وجهد ومال وا