الاستعانة بالمؤمنين الناضجين في الوقت الصعب | د. ماهر صموئيل

الاستعانة بالمؤمنين الناضجين في الوقت الصعب | د. ماهر صموئيل الاستعانة بالمؤمنين الناضجين.. عندما تهيج علينا العواصف في عالم مضطرب أوعى تحرم روحك من مساعدة اخواتك، وطبعا علشان تقدر تستفيد من اخواتك في الوقت الصعب هذا يتطلب إنك تكون في انسجام معهم في الوقت السهل لكن في وقت الراحة بتتنطط عليهم ومش عاجبك اللي مصدق في التعليم الفلاني ومش عاجباك اللي لبست مش عارف إيه ومش عاجبك اللي بيتصرف إزاي فعامل حواجز بينك وبين اخواتك وبعدين تيجي تعك معك الدنيا ما تلاقيش حد يبص في وشك تقول فين المؤمنين فين محبتهم؟ يا حبيبي ما أنت عملت 100 سور بينك وبينهم، استعين بأخواتك المؤمنين فمعظم البركات التي باركني بها الله في حياتي كانت من خلال اخواتي المؤمنين، الرب ما يحرمكش من اخواتك خليهم حواليك وخليك انت حواليهم واستمتع بهذه العلاقة الرائعة معهم لكي ما تبارك بهم في الوقت الصعب، فقرب من اخواتك المؤمنين ادخل في علاقات قوية معاهم احتملهم لما تطلع ضعفاتهم متذكرا ايضا إن أنت عندك ضعفات، لأنه هيجي يوم ما حدش هينجدك إلا اخواتك المؤمنين.