أنا الآن في المسيح.. فيه اختفى خزيي وانمحى ذنبي وضاع ضعفي | د. ماهر صموئيل

أنا الآن في المسيح.. فيه اختفى خزيي وانمحى ذنبي وضاع ضعفي | د. ماهر صموئيل كلمة «في المسيح» لو عايز تعرف جمالها اقرأ رومية اصحاح 5 تلاقي عبارة «بالمسيح بالمسيح بالمسيح» رومية اصحاح 6 تلاقي «مع المسيح مع المسيح مع المسيح» رومية اصحاح 7 تلاقي «للمسيح» رومية اصحاح 8 تلاقي «في المسيح» في المسيح دي بقى القمة اتكتبت عليها رسايل دكتوراه ان كريستوس، أنا مش بس واخد بركة من المسيح ولا المسيح معايا ولا انا بقيت للمسيح، وإن كانت كل دي امتيازات ما استهلهاش وشرف ما كنتش أحلم به لكن أنا بقيت في المسيح، في أول 14 عدد من أفسس واحد تتكرر 11 مرة «في المسيح» من التحية من الأول في المسيح، باركنا بكل بركة روحية في السماويات في المسيح، أنعم علينا في المحبوب، أي حاجة لأنك في المسيح، كلمة في المسيح بقى مش إنك يعني اعتنقت دينه وأمنت بعقائده وعارف العقيدة بتاعته وسالك سلوكه لكن أنت بقيت فيه، فاكرين لما كاتب العبرانيين بيشرح حكاية لاوي وعلاقته بابراهيم ومالكي صادق، يقول إن لاوي قدم الأعشار لملكي الصادق لأنه كان في ابراهيم، وأنا الآن عندما أظهر أمام الله لكي أقدم حمدا أو أطلب طلبا أظهر أمامه في المسيح، ويا جمال المسيح ويا لروعة المسيح هو بري كله وفيه أصبحا كاملا، فيه اختفى خزيي وانمحى ذنبي وضاع ضعفي، لم أعد أُرى في ذاتي لكني أُرى أمام الله في المسيح هذه هي العطية المقدمة.