كل اللي عندي إني بأحبك وبحب شعبك وعايزك تستخدمني | د. ماهر صموئيل

كل اللي عندي إني بأحبك وبحب شعبك وعايزك تستخدمني | د. ماهر صموئيل تحرر من خطية الخضوع لضغط الاقران من فضلك، فضي دماغك من صورة الخادم اللي شفته على الفضائيات، فضي دماغك من اللي قريته على الفيسبوك، ما فيش حاجة ضرتك وعطلت استخدام الله لك إلا تلك الصور التي جمعناها من هنا وهناك وتصورنا أن هذه الصور هي المشروعة وحدها لكي يستخدمنا الله، الله شايف فيك حاجات مش موجودة عند حد وشايف فيك حاجات مش موجودة عند حد وعايز يستخدمك بطريقة جديدة وعجيبة، لانه ما بطلش يصنع عجائب ومش لازم عجايب القرن الاول تبقى عجايب القرن 21، لكل عصر عجائبه والله لم يكف عن ان يكون إله العجائب، قل له يا رب بضع نفسي بين يديك، زي جدعون الخواف المتردد ضعيف الايمان الغلبان، لا عيلة ولا مواهب ولا امكانيات، أنا يا رب كل اللي حيلتي بحبك بأحب شعبك وعندي شوية حاجات صغيرة نافعة، أعرف أن اتبعك إذا دعوتني فادعوني يا سيدي، أنا كل اللي بأحلم به إنك تعوزني وإذا أنت عوزتني هتأهلني، أنت بس عوزني وهتلاقيني يا رب عندك وتستخدمني، حط خط فاصل بين اللي فات واللي جاي والنقطة الجديدة إنك هتضع نفسك بين يدي الرب ليستخدمك أنت، كما أنت مش هتقلد حد مش هتمشي ورا حد، يستخدمك انت باللي حيلتك بسبب إيمانك أن الرب يصنع عجائب.