مساواة المعتقد (فهمي للكتاب المقدس) بالحق هو تشويه للحق - د. ماهر_صموئيل

مساواة المعتقد (فهمي للكتاب المقدس) بالحق هو تشويه للحق - د. ماهر_صموئيل مساواة المعتقد بالحق تشويه للحق وتأطير (وضعه في إطار) للمعتقد، المعتقد هو فهمي أنا للحق، ما أعتقده عن الكتاب المقدس، لو أنا ساويت فهمي أنا للكتاب وفهمي للحق بأعمل غلطيتن، الأولى: بأقزم (أصغره) الحق على أد فهمي أنا ليه، بس مع احترامي ليك هو أكبر منك، الحق هيفضل ديما أكبر منك مع كل احترامي لعقلك الكبير، الثانية: هو تأطير للمعتقد وحبسه في إطار، المعتقد هو الحق، فغير قابل للاتساع تم حبسه غير قابل للتعديل، المعتقد الغير قابل للتعديل شيء خطير جدا، ويبقى شيء أخلاقي إنك تطلب من الأخرين مراجعة معتقداتهم بينما ترى أن معتقدك أنت غير قابل للمراجعة، لا يحل لك إنك تناقش واحد من ديانة تانية وتقوله راجع معتقدك وأنت مش قابل على نفسك إنك أنت تراجع معتقدك، المعتقد السوي السليم لا يُحبس في إطار، هو مفتوح للنقد والمراجعة، وعندما أساوي المعتقد بالحق أرتكبت جريمتين، جريمة في حق الحق، وجريمة في حق المعتقد، فبقى الحق صغير على أد معتقدي وبقى معتقدي جامد ميت غير قابل للتطوير. إذا فكرت بالطريقة دي أقدر أحب أخويا لأن اللي بيربطني بأخويا أكتر جدا من المعتقد، طبيعة جديدة سكنى الروح القدس عضوية جسد المسيح.. وإتبع مع الذين يدعون الرب من قلب نقي مش معتقد واحد. قبولي لأخي واتحادي معه لا يعني أبدا بأي شكل من الأشكال إنك لازم تفكر زيي، بالعكس، أنا شفت ناس بيفكروا زي بعض بالظبط وهم بيكرهوا بعض وبينافسوا بعض رغم إنهم مقتنعين بنفس العقائد والتعاليم، وشفت ناس فيه مسافات فكرية شاسعة بينهم وبين بعض بس بيحبوا بعض لأنهم عارفين إنهم اخوة، وعارفين كل واحد فينا حجم وعيه بالكتاب المقدس بيعتمد إلى حد كبير على الخلفية التي نشأ فيها وعلى العقلية والعيلة