كيف استخدم الرب العلاج النفسي لعلاج ايليا ويونان؟ | د. ماهر صموئيل

كيف استخدم الرب العلاج النفسي لعلاج ايليا ويونان؟ | د. ماهر صموئيل فاكرين اتنين اكتئبوا وفكروا أفكار انتحارية ورغبوا في الموت، اتنين أنبياء عظماء ايليا ويونان، أرجوكم ارجعوا وشوفوا الطريقة اللي ربنا اتعامل بها معهم وهاقول بجرأة وبدون يعني ما تفهموني غلط، لم يقدم لهم الله علاجا روحيا لكن عمل معهم Cognitive Behavioural Therapy علاج معرفي ادراكي، بيقول لإيليا ما لك ههنا يا ايليا؟ فقال له الكلام اللي انتم عارفينه "وبقيت أنا وحدي" سابه شوية ورجع سأله السؤال تاني اسلوب رائع في العلاج النفسي، سأله نفس السؤال تاني فعاد نفس الإجابة، الطريقة اللي ربنا عالجه بها قال له على فكرة مش كل اسرائيل بالمنظر اللي انت شايفه ده تعالى لما أصحح لك فكرك أنا أبقيت لنفسي سبعة ألآف رجل على فكرة اسرائيل فيها سبعة ألآف ركبة لم تسجد للبعل ما تقولش بقيت أنا وحدي دي معلومة غلط، ده تصحيح فكري معرفي إدراكي مش علاج روحي، ما قالوش صلي يا إيليا ما قالوش أنت مكتئب يا إيليا خذ فرصة صلاة، لكن قال له تعالى لما أصحح لك أفكارك أنت بتفكر بطريقة خاطئة، وتصحيح الأفكار الخاطئة يعدل المشاعر سواء كان التصحيح للأفكار الخاطئة من قسيس أو من معالج نفسي طالما إنه بيصحح أفكار خاطئة ترتبت علي مشاعر سلبية، وبعدين قال له على فكرة انا ما فقدتش الأمل في اسرائيل وأنا عندي خطة لهم وعندي فلان ورح امسح اليشع واليشع هيكمل الخدمة، منظور تاني خالص، هل من الممكن أن المعالج النفسي يساعدني في ترتيب أوراقي والتفكير في الواقع بشكل مختلف فتتأثر مشاعري باعادة التفكير؟ نعم، مع يونان عامل له حاجة راح مطلع له يقطينة وقعده تحتيها وخلى اليقطينة تنشف وبعدين في الأخر يقول له هل اغتظت بالصواب؟ هل بتفكر بشكل صحيح؟