القصة المسيحية تجعل لألمنا معنى | د. ماهر صموئيل

القصة المسيحية تجعل لألمنا معنى | د. ماهر صموئيل سامحني يا سيدي لأني لم أفهمك، عشت أيامي وأنا أتصور إن كل اللي أنا عايزه إنك تطبطب علي وتريحني لكني اكتشفت الليلة إنك عندك حاجة أعظم من الطبطبة، أنت عايز تخلق مني لي حياة يسوع وأعيش زي يسوع وأنت عايز تخلي الضيق خدام عندي، لكن كمان عايز تخلي حياتي قصة جميلة، أنا متأكد لو روحت لمريم وقلتلها هنرجع الشريط يا مريم وهننزع منه كل الألآم تقولو لأ القصة كده حلوة أنا مريم مكنتش هبقى مريم بدونه اللي أنا عديت فيه، هذه اللحظة لحظة انفجار الحب عند القبر الفارغ كانت ستكون بلا معنى لو لم تكن هناك عقدة بهذا الحجم، هذا اللقاء البديع الذي جعل مريم هي مريم كان من المستحيل أن يحقق غرضه لو لم يكن الألم عميقا بهذا القدر، هو ده الفداء في المسيحية، المسيحية تفدي ألمنا بأن تجعل للألم معنى، المسيحية تفدي الضيق بأن تجعل للضيق معنى، لو عندي غرض ومعنى ميهمنيش إيه اللي هتعرضله، في المسيح يسوع عندي "لماذا" لأن الله ينسج من حياتي قصة، المسيحية بديعة تعال للمسيح واقبله مخلصا لحياتك