حاجتين أرجوك دايما فكر نفسك بهم: ثبات الله وتغيرك أنت | د. ماهر صموئيل

حاجتين أرجوك دايما فكر نفسك بهم: ثبات الله وتغيرك أنت | د. ماهر صموئيل نحتاج أن نتذكر كل خبراتنا الماضية مع الله من جهة أمرين بس أرجوك دايما فكر نفسك بهم ثبات الله وتغيرك أنت، أنا ما أعتقدش إن في مسيحي حقيقي مايقرش بالأمرين دول، لك كم سنة مع المسيح؟ هنختلف أحدنا عن الأخر في حاجات كتير بس فيه حاجتين ما نقدرش ننكرهم أبدا، الحاجة الأولانية إنه يا أخي سبحان الله أطلع وانزل وأخونه وأزعله وما أدهوش حقه وأغضبه وعمر محبته من جهتي ما اتغيرت "لأني أنا الرب لا أتغير أنتم يا بني يعقوب لم تفنوا" كإنه يقول لو كنت بتغير كان زمانكم فنيتم، الرب لم يتغير في كل السنين لكن الحاجة التانية اللي نقر بيها إن احنا اتغيرنا 100 مرة، في بعض الدراسات بتقول إن كل سبع سنين حتى ولا ذرة في جسمك هي أنت مش أنت خالص، فدعونا نقر بثبات الرب وبتغيرنا طب ودي تفيدنا إيه بقى لما الأمواج العاتية تضربنا؟ الحقيقة أول ما الأمواج العاتية بتضربك بيتكون عندك أراء سلبية من الرب ومشاعر سلبية من ناحية الرب بيبقى فيها تذمر وفيها غضب عليه مش هقول لك عيب لكن هقول لك لما تلاقيها كده هتتغير ما أنا ياما اتقمصت ورجعت اتبسطت ما أنا ياما اتذمرت واتصالحت ما أنا ياما غضبت وهديت ما هو أنا كده طول عمري بتغير وهو طول عمره ثابت.