ليعطك حسب قلبك، ويتمم كل رأيك، ياما عاتبت ربنا على الآية دي - د. ماهر صموئيل

ليعطك حسب قلبك، ويتمم كل رأيك، ياما عاتبت ربنا على الآية دي - د. ماهر صموئيل ليعطك حسب قلبك، ويتمم كل رأيك (مزمور 20: 4) ياما قفشت مع ربنا على الآية دي، وأقوله عمرك ماعملتها معايا، أنت بتديني حسب قلبك أنت ودايما قلبي مش عاجبك.. وتمر السنين وأراجع اللي حصل وأقوله ياه ده انت ادينتي أكثر جدا مما طلبت أو افتكرت، ده أنت أكرمتني وأعطيتني حسب قلبك واكتشفت إن اللي كان في قلبك أكتر جدا جدا لخيري من اللي كان في قلبي، بس عمري ما فهمتها ساعتها، لازم يعدي 10 أو 15 سنة فرق توقيت في الفهم على ما أفهم، المعونة لن تأتي لكي تمنع المعاناة، ولن تأتي لتحقق مانتمناه، ولن تأتي في ميعاد نحن اخترناه، لكنها تأتي دائما في قلب المعاناة لتحقق غرض من أغراض الله هو يريده لنا، وفي ميعاد وبطريقة معينة هو الذي حددها، وبعد مرور السنين الطويلة ننظر لنكتشف أن هذا هو بالضبط خيرنا، كم أشكره أنه لا يستجيب ولا يخضع لنا، لكن يصر كأب حكيم على أن لا يصنع إلا الخير لنا ولا يتركنا لأفكارنا. أشهد عنه إنه لم يتوقف قط عن ارسال المعونة، لكن مش على مزاجي، ومش في ميعادي، لكن يبعت معوناته لأغراض غير أغراضنا، وفي مواعيد غير مواعيدنا.