أقوى مضاد حيوي للخطية هو النور | د. ماهر صموئيل

أقوى مضاد حيوي للخطية هو النور | د. ماهر صموئيل على كل خادم أن يعرف أن أخيتوفل جاهز في كل وقت إنه يهجم عليك وانت متعب ومرتخي اليدين، « فآتي عليه وهو متعب ومرتخي اليدين فأزعجه » (صموئيل الثاني 17 : 2) مرتخي اليدين يعني ما تقدرش تقاوم ما تقدرش تقوم وتحارب عن نفسك، فما توصلش لنفسك لحالة متعب ومرتخي اليدين ودي نصيحة للخدام، انك تستهلكش الإرادة بتاعتك في مواجهات كثيرة بدون نعمة إلهية خاصة، اطلب النعمة واستند على النعمة، لأن أخيتوفل مش هيرحمك يهجم عليك وانت متعب ومرتخي اليدين، الخطية المتروكة في الضلمة هي ورم سرطاني هيكبر هيكبر هيكبر لغاية ما يقضي عليك، المضاد حيوي للخطية هو النور، عايز تقضي على الخطية طلعها للنور الخطية تتخمر وتنفش وتكبر وتقوى طول ما فيه ضلمة، أكتر عدو للخطية هو النور، وعشان كده يقول « ولكن إن سلكنا في النور كما هو في النور، فلنا شركة بعضنا مع بعض، ودم يسوع المسيح ابنه يطهرنا من كل خطية » إنك تكشف نفسك للنور تقول لحد أعتقد إن ده في غاية الأهمية.