معونة ومعية ومعنى هذا هو وعده لي وسط الألم ووسط الشر الذي أتعرض له | د. ماهر صموئيل

معونة ومعية ومعنى هذا هو وعده لي وسط الألم ووسط الشر الذي أتعرض له | د. ماهر صموئيل مع السنين ومع خبرتك مع الرب تكون وصلت إلى الإقرار بمحدوديتك من جهة رؤيتنا لما هو خيرنا، نفسي كده ربنا ينزع مننا الثقة المبالغ فيها "أنا عارف خيري" مرة داوود قال إني سأهلك يوما بيد شاول فلا خير لي إلا أن أهرب إلى أرض الفلسطينيين، على مر العصور ثبتت محدوديتنا في تصورنا لما هو خير فأرجوك انزع شوية الثقة من حتة أنا عارف خيري فين، مش عارفين كل الخير فين دي هتساعدك شوية لما تواجه الظروف الصعبة ما يبقاش أول شيء بيروح لمخك إزاي ربنا يسمح بالحاجة دي لي وأنا شايف إن فيها مصيبة لي أو لعائلتي، ادرس قصة يوسف «أنتم قصدتم شرا» هو شر لكن الله قصد به خيرا وما كانش الله ملزم ولا كان يقدر ساعتها يقول له يا حبيبي هذا الأمر لخيرك ما كانش هيفهم ما يقدرش يستوعبها، هيقول له طب وريني فين الخير يقول له لسه 13 سنة على ما أوريك، إزاي يقدر يقنعه إن اخواته يبيعوه ده فيه خير؟ إزاي يقدر يقنعه إنه رميه في البير فيه خير؟ إزاي يقدر يقنعه إن الظلم اللي اتعرض له فيه خير؟ لكن ما تقلقش يا يوسف أكتر كلمة هتتميز بها حياتك وهيحفظوها المؤمنين «كان الرب مع يوسف» فلغاية ما يبين لك إن الشر ده هيطلع منه خير هو مش هيشرح لك لكن هيكون معك، معونة ومعية ومعنى هذا هو وعده لي وسط الألم ووسط الشر الذي أتعرض له، المعية من اللحظة الأولى والمعونة متجددة ومستمرة طوال وقت التجربة، والمعنى في النهاية، المعنى من وراء ده كله، استمتع بالمعية وخذ المعونة وانتظر المعنى، لا تستعجل على المعنى ولا تطالب بالمعنى من اليوم الأول استنى الحكاية لما تخلص، الحكاية عايزة سنين.