كتير من المؤمنين بيتوهموا إن ربنا قال لهم حاجات وربنا ما قالش | د. ماهر صموئيل

كتير من المؤمنين بيتوهموا إن ربنا قال لهم حاجات وربنا ما قالش | د. ماهر صموئيل كتير من المؤمنين بيتوهموا إن ربنا قال لهم حاجات وربنا ما قالش، بيصعبوا علي لأنهم بيدمروا عائلاتهم، بيتوهموا إن ربنا قال واللي قال الحقيقة السيكولوجي بتاعهم Wishful thinkingالتفكير الرغباوي، لكن الراجل ده مش بيتوهم ده ربنا فعلا قال له "اذهب بقوتك هذه انا سأرسلك لكي تخلص اسرائيل" بصوا المنطق حاضر العقل حاضر يا شباب، يا اخوتي الأحباء في الايمان المسيحي المنطق لا يُغيب، في الايمان المسيحي العقل لا يُغيب وأي تعليم يغيب العقل وقراءة العقل هو تعليم شرير، إيماننا المسيحي أحيانا يكون فيه أسرار لكنه ليس ضد العقل وليس ضد المنطق، السؤال اللي قاله الرب رحب به واحترمه وفرح به لانه سؤال في منتهى القوة «أسألك يا سيدي، بماذا أخلص إسرائيل؟ ها عشيرتي هي الذلى في منسى، وأنا الأصغر في بيت أبي» الحقيقة مش متواضع هو فعلا كده هو ده الواقع، هل الله عنده استعداد ان يستخدمني كما أنا بضعفاتي بعدم إمكانياتي؟ الله مش محتاج إنه لازم يكون عندي مواهب، مين بيدي المواهب؟ ما هو يدي لك مواهب، أشهد أمام الله ولا موهبة من التي أعطاني الرب لأخدمه بها بدأت معي، الله يعطي مواهب وخبرات، يفتح لك الأبواب ويدي الخبرات، علم هيدي لك يا اخي ذكاء من عنده ويخليك تتعلم.