النسخة التجارية من المسيحية الرائجة مقابل المسيحية الحقيقة | د. ماهر صموئيل

النسخة التجارية من المسيحية الرائجة مقابل المسيحية الحقيقة | د. ماهر صموئيل كان أقصى أمانينا أن تُغفر خطايانا وما نروحش النار، وربنا يرضى علينا ويكتر في رزقنا، بس عمرنا ما فكرنا إن ربنا ناوي على خلق نسخة جديدة من الانسان، بس للاسف اتساقا مع نظم السوق واحتياج العملاء وما يطلبه الزبائن والزبون دائما على حق صنعنا نسخة حقيرة من المسيحية ترضي أذواق البشر، نسخة تجارية رائجة لا أنكر إنها شغالة نار، بياعينها كتار وزباينها أكتر، نسخة من المسيحية بتقول تعالى أوديك السما والاختلاف على السعر، هتروح بالإيمان ولا هتروح بالأعمال؟ هتروح عن طريق موت المسيح ولا أنت هتعمل حاجة، فالإختلاف كله على السعر، لكن هي في الأخر منتج واحد، تعالى نضمن لك النجاة من النار ونوديك السما، ما أبعدها نسخة عن المسيحية، المسيحية بتقول تعالى أغيرك تعالى أخلقك وأعملك كائن يجيب السما وهو على الأرض، لأنه هيبقى جميل هيبقى زي يسوع هيبقى حلو هيبقى مثمر هيبقى نافع.