الحياة صعبة ومفاجآتها سخيفة صعب تواجهها بمفردك، واجه الحياة ومعاك يسوع المخلص | د. ماهر صموئيل

الحياة صعبة ومفاجآتها سخيفة صعب تواجهها بمفردك، واجه الحياة ومعاك يسوع المخلص | د. ماهر صموئيل يسوع الذي دخل بيت زكا فحضر الخلاص لهذا البيت، قول له نفسي يا رب أرجع لبيتي وأنت معايا وأول ما خطي داخل البيت أقول اليوم حضر الخلاص لهذا البيت، الرب يسوع الذي إلتقى السامرية فلم تعد كما كانت من قبل، في خطر عليك ما تضمنش بكرة يحصل معاك إيه، مش بخوفك لكن الواقع بيقول إن الحياة صعبة ومفاجآتها سخيفة، حرام عليك تواجهها بمفردك، اخرج واجه الحياة ومعاك يسوع المخلص، قوله يا رب أنا مش قد الدنيا ولا قد الحياة لكن أنت قديها أنت غلبت الموت أنت بلعت الموت أنت قمت من الموت، لما تمشي معايا أنا بيك غالب أنا مقدرش لكن أنت تقدر، وأنا معرفش لكن أنت تعرف وأنا مش هواجه بكرة وأواجه الحياة بذكاء أو بمعرفة ولا حتى بصلاوات، هواجها بيك لانك معي، أنت نوري وخلاصي ممن أخاف أنت حصن حياتي ممن أرتعد إن قامت علي حرب إن نزل علي جيش لا أخاف لأنك أنت معي حتى إن سرت في وادي ظل الموت لا أخاف شرا لأنك أنت معي، خد الرب يسوع معاك وأرجع بيه إلى بيتك وإمسك فيه بقوة وإتبعه كل يوم وارتبط بالكنيسة بأخواتك المؤمنين محل الحضور الإلهي، واكبر فوق الصغائر، اخواتك المؤمنين أنت محتاج لهم وهما محتاجينك، سيبك من الكلام الصغير سيبك من الحاجات اللي معثراك ومعقداك فلا يعثر إلا الصغار ارتقي وإلزق في اخواتك المؤمنين.