أوعى تفكر إن آلامك صغيرة في عينه هو يعلم جيدا ما تمر فيه ومهتم ان يتكلم معك | د. ماهر صموئيل

أوعى تفكر إن آلامك صغيرة في عينه هو يعلم جيدا ما تمر فيه ومهتم ان يتكلم معك | د. ماهر صموئيل يجب أن الذي يأتي إلى الله يؤمن بأنه موجود وأنه يجازي الذين يطلبونه، صدق إنه موجود صدق إن حضوره حواليك، صدق بالايمان إنه سامعك وشايفك وعايزك وبيفكر فيك، وصدق أرجوك إن عنده رسالة لك، صدقي إن هذا الإله يرغب في الكلام بيحب يتكلم عنده مشغولية وشغف بحياتك بحياتك، أوعى تفكر إن ألآمك صغيرة في عينه، هو يعلم جيدا ما تمر فيه ومهتم أن يتكلم معك بخصوص هذا الأمر، عنده رسالة لك ثق، هل لديك الاستعداد أن تسمع رسالته؟ هل لديك الإيمان والجدية إنك تركز وعيك لكي تسمعه؟ أنا عايز أقولك إنه مر من جنبك مرات كتيرة وأنت محستش بيه، وتكلم إليك مرات كتيرة وأنت مسمعتوش، امسكت اعينهما عن معرفته، إنه يريد أن يعلن ويتكلم، قالوا بارتيماوس "ثق قم هوذا يناديك" وانا اقتبس ده واقولك باسمك وباسمك الرب يسوع المحب يناديك، عنده في قلبه كلام عنده رسالة نفسه إنك تسمعها، احفظ ذهنك من التشويش لكي تستقبل الرسالة قلل من استعمال السوشيال ميديا من فضلك، استغني عن أي مكالمات ما لهاش لازمة، افصل ربما الأصوات والضجيج يمنع وصول الرسالة، الله يتكلم ويقول "من له آذن للسمع فليسمع" اكيد عندك ودن بس مبقتش بتاعتك في كتير خدوها ودنك مش معاك، قول يا رب أعني استعيد اذني من شباك العدو لكي اسمع، كيف اسمعك واذني ليست لي؟ ودني معها حاجات تانية كتير.