في كل البلاد والمجتماعات توجد أربعة أنواع من المعاناة | د. ماهر صموئيل

في كل البلاد والمجتماعات توجد أربعة أنواع من المعاناة | د. ماهر صموئيل الرابط الوحيد بين البشر باختلاف خلفياتهم ونوعياتهم ومستوياتهم وأعمارهم هو المعاناة، البشر يعانون، على الأقل أربع أنواع من المعاناة، النوع الأول هتلاقينا بنعاني جسديا، هتشوف أمراض وهتشوف حوادث، ناس بتتوجع بدءا من وجع السنة لغاية وجع الموت والفقدان، وما لهاش علاقة بغني أو فقير، لكن بعد كده هتلاقي ما يمكن أن اسميه معاناة أخلاقية إن احنا وحشين بنحسد بعض وبنكره بعض وبنغضب على بعض وبنأذي بعض وكل ما تعيش معنا أكتر وتتعمق أكتر هتستغرب من هذه المعاناة الأخلاقية، كمان لو سافرت من بلد لبلد هتكتشف اختلاف النظم السياسية والغريب جدا انه رغم اختلاف النظم السياسية في كل البلدان مش هتلاقي بلد واحدة راضية عن النظام السياسي بتاعها وفيه معارضة وفي ناس مش راضية وناس مش مبسوطة، لكن أخيرا وعلى القمة هتلاقي ما أسميه أم المشاكل التي تحتاج إلى الخلاص هي المعاناة الوجودية، إن الانسان فعلا شاعر إنه لا عارف إيه غرض وجوده ولا عارف هو موجود في الدنيا دي ليه ولا عارف حتى هو مين ويقدر يعمل إيه علشان يتعرف على نفسه علشان يحقق غرض وجوده، فدي نوع من المعاناة اسميها المعاناة الوجودية التي تحير كل انسان يبحث عن غرض لوجوده ويبحث عن معنى لهذه الحياة ويشعر إنه له تأثير وله وجود، وإن الوجود ده له معنى وله غرض محدد.