اسمي منقوش على كتفه.. يبدو أني مادة افتخاره | د. ماهر صموئيل

اسمي منقوش على كتفه.. يبدو أني مادة افتخاره | د. ماهر صموئيل اسمي منقوش على كتفه.. يبدو أني مادة افتخاره، زي الظابط بيحط نياشين، يا رب يسوع حضرتك متدخلش قدام الآب وأنت حاطط اسمي على كتافك ممكن تحط اسم الملاك ميخائيل مثلا، إذ صرت عزيزا في عيني مكرما، وأنا قد أحببتك، هو ذوقه كده هو اختار كده هو حب كده هو بيفتخر بي، في رسالة العبرانيين اصحاح 2 يقول للآب «ها أنا والأولاد الذين أعطانيهم الله» تعرف كاتب العبرانيين اقتبس دي منين؟ اقتبسها من اشعياء 8 يقول «هأنذا والأولاد الذين أعطانيهم الرب آيات وعجائب» مرات كتيرة بندور إن ربنا يعمل آيات وعجائب واحنا ناسيين إن احنا المفروض نكون احنا نفسنا الأيات والعجائب وأكبر آية واعجوبة إنه ياخد خاطي زيي ويحطني على كتفه يدخل به إلى الآب، يا رب ده احراج كبير أوي تقول لي بص سيبك من نظرتك أنت لنفسك حاول تبطل اعتمادك على نظرتك لنفسك حاول تكون هويتك من نظرتي لك شفني أنا شايفك إزاي، الآب بيثق في ذوقي أوي فإذا أنا قلت له إن ماهر حلو خلاص أنت بقيت حلو، مرة جاتني فكرة مرعبة شوية قلت هو أنا لو حصل لي زهايمر وهانسى اسمي ابقى أنا انتهيت؟ أنا مش موجود في ذاكرتي وبعدين افتكرت فكرة عزتني "سأظل في ذاكرة الله" إنه إذا ذكر أوجد وإذا لم يذكر محى وهو يذكر اسمي ومحى خطيتي، أنا موجود في ذاكرة الله، إذا ذكرني خلقني إذا ذكرني أوجدني، هو يذكرني يذكر اسمي لكنه لا يذكر خطيتي، وإذا لم يذكر خطيتي يبقى خطيتي اتمحت ملهاش وجود، إذا لم يذكر خطيتي لم يعد لخطاياي وجود.