اعتبرها خيانة إنك تشعر بالإستقلال عنه | د. ماهر صموئيل

اعتبرها خيانة إنك تشعر بالإستقلال عنه | د. ماهر صموئيل اغضب على اللي فات، قل له من دلوقتي سأشعر معك وأفكر معك وأعمل معك، هأحبك وأستقبل حبك، اعتبرها خيانة إنك تشعر بالإستقلال عنه، مصيبة ايش ضمنك إن مشاعرك صحيحة؟ ارتعب من تأليه مشاعرك والاستماع لها، ارتعب من أن تسير وراء أفكارك خد مشاعرك ورح له، قل له أنا شاعر بكده يا رب، تخيل وصل بنا الكبرياء إننا نثق في مشاعرنا ونؤلهها ونسير وراءها تخيل! تخيل الكوارث اللي هتنتج عن هذا! شعب يسير وراء قلبه وصل إلى الهلاك، يا رب مش هتكون أيامي اللي جاية زي اللي فاتت، عايز كل يوم عايز أتغير، عايز أبقى إنسان زي يسوع، أنت ولدتني ولادة جديدة لكي أصبح إنسان، عايز أكون زي بني لاوي أنت نصيبهم، يحملوا حضورك ويباركوا باسمك، عايز يبقى وجودي بين الناس بركة للناس، عايز أبقى زي موسى في عز الشغل وفي زحمة الشغل يلتقي بك، والأرض في الشغل أرض مقدسة لأنه هناك يعمل مع الله حتى ولو كانت رعاية غنم، الطب والهندسة والبزنس والدراسة والتدريس والحسابات أي نوع شغل هو عمل للرب، اذهب إليه وأنت واثق إنك هتختبر حضور الرب وستعمل مع الرب، قدس مكان العمل اعتبره أرض مقدسة وقف فيه أمام الرب كي تحمل حضور الرب وتبارك الناس من حولك.