هل نحتاج إلى شفيع يحنن قلب ربنا علينا؟ | د. ماهر صموئيل

هل نحتاج إلى شفيع يحنن قلب ربنا علينا؟ | د. ماهر صموئيل لنا شفيع عند الآب.. موقف الله بسبب خطأنا لا يتحول من أب إلى الله، هو لم يزل بابا، أنا غلطت لكن هو لسه بابا، قبل ما أغلط هو بابا وبعد ما غلطت هو بابا، علاقتي بأبويا مش هتتغير عشان أنا غلطت وأخد بعضي وأطلع برة البيت وأحس إن أنا ما ينفعش ولا أصلح ولا ينفع أن أستمر في محضر الله، لأنك لسه ابن، أنت غلطان بس الله لسة أبوك، البعض بيتصور شفاعة المسيح تصور وثني رديء إن الآب قلبه جامد بس عندنا يسوع الحنين اللي يحنن قلب أبونا علينا! حنن قلب أبونا علينا، لست اقول أني أسأل الآب من أجلكم، "نسف مفهوم الشفاعة بالمفهوم الغبي" لست أقول أني أسأل الآب من أجلكم، لأن مفهوم الشفاعة يسوع بيشفع لي يعني يسأل الآب بالنيابة عني لأني أنا وحش بس يسوع حلو يسوع حنين فبيشفق علي، الآب ما بيشفقش علي لما بأغلط بيمسك لي العصاية لكن يسوع هيتوسط بيني وبينه، يسوع بيقول لست أقول أني أسأل الآب من أجلكم لأن الآب نفسه يحبكم، هو بيحبكم أنا مش مطلوب مني أحنن قلبه عليكم، عيب إن أقول أحنن قلب أب على ولاده، ده ما يبقاش أب.