الأب الشاطر يستثمر في أولاده والأب اللي بيتكسر بسبب أولاده أقسى من أي انكسار أخر | د. ماهر صموئيل

الأب الشاطر يستثمر في أولاده والأب اللي بيتكسر بسبب أولاده أقسى من أي انكسار أخر | د. ماهر صموئيل الأب الشاطر يستثمر في أولاده، لا يكون قصير البصر ويستغرق في نجاحات وظيفية ونجاحات مادية مالية أو نجاحات في الخدمة كنسية ويهمل الاستثمار في أولاده، بالعكس أنت لما هتقضي وقت طويل مع ابنك، لما تعمله فطار، لما هتهتم بلبسه وشكله ورياضته.. ده بيعمل علاقة عميقة بينك وبين ابنك، هياخد من وقت وهياخد من مجهودك لكن أنت اللي هتحصد في النهاية، ياما أباء بيناموا بالليل دموعهم على خدهم بسبب تصرفا غبية الأولاد عملوها، ياما أباء شفتهم مكسورين بيجوا يتعالجوا نفسيا لأن ابنه عمل تصرفات غبية، الأب اللي بيتكسر بسبب أولاده أقسى من أي انكسار أخر ، أكثر من خسارة الفلوس أو الشغل أو المرض، "أدب ابنك فيريحك ويعطي نفسك لذات." (أمثال 29: 17). هتاخد لذة رائعة يوم ما تشوفه بيتفوق في مدرسته أو عمله، يوم ما تشوفه بيخدم ربنا وتشوفه انسان صالح ومثمر، ويريحك من بهدلة كتيرة أوي، مصحات أو سجون وعلاجات وأطباء، "الابن الحكيم يسر أباه، والابن الجاهل حزن أمه." (أمثال 10: 1). "يا ابني، كن حكيما وفرح قلبي، فأجيب من يعيرني كلمة." (أمثال 27: 11).