شوق ربنا أن يعطيك الإمكانيات لتفعل ما تريده | د. ماهر صموئيل

شوق ربنا أن يعطيك الإمكانيات لتفعل ما تريده | د. ماهر صموئيل الوقوف أمام الرب هو الدخول لمحضر الرب، والدخول لمحضر الرب والإصرار على عدم الاستقلال عن الرب واشراك الرب في كل شعور وفكر وعمل واندماج مع الله في فكره في حياتي اليومية الطبيعية حتى يصبح الوقوف أمام الرب هو مقري الدائم هو مكاني اللي أقدر أقول عنه "حي هو الرب الذي أنا واقف أمامه" عندئذ يا احبائي أسمع كلام الرب ويتكشف لي رأي الرب وعندما انطق في العلن واتكلم في العلن ما أنا إلا مردد لما أراه في الداخل، عندئذ نحدث التغيير في الواقع عندئذ تقتدر كثيرا في فعلها، الله في المسيحية يرغب في الشراكة ما يحبش يعمل بالاستقلال عن البشر، أعطانا أن نكون هيكله الفاعل والنشط والمؤثر، حالة الوقوف أمام الرب هي التي مزجت بين الروح وبين خالقها حتى صارت أقوال الرب أقوالها وتفكير الرب تفكيرها ورغبات الرب رغباتها، دالاس ويلارد يوصف الحالة بكلمة مرعبة يقول "شوق ربنا To Empower You "تمكينك" علشان تعمل اللي انت عايزه" تعرف ليه؟ لأن اللي أنت عايزه وصل إلى مرحلة من الاندماج مع الله بقى اللي الله عايزه، وبعدين قال تعبير جميل قال بص على اللي جنبك وحاول تتخيل ان الله هيمكنه عشان يعمل اللي نفسه فيه، مش خايف؟ عايز اسأل كل راجل تقدر تصلي تقول له يا رب مكن زوجتي لتعمل اللي نفسها فيه؟ أو تقدري تطلبي من ربنا يا رب ادي قوة لجوزي بحيث يعمل كل اللي نفسه؟