التوقعات الخاطئة من الزواج: السعادة، الاستقرار | د. ماهر صموئيل

التوقعات الخاطئة من الزواج: السعادة، الاستقرار | د. ماهر صموئيل إذا فهمنا الزواج بالشكل الصحيح هنحميه من التوقعات الخاطئة، إيه التوقعات الخاطئة؟ أنا بتجوز علشان أسعد، أنا باتجوز علشان استقر، أنا بتجوز علشان سنة الحياة، أنا بتجوز علشان ألاقي نفسي أو ألاقي المعنى في الحياة، فالأشخاص اللي بيقرروا إنهم يعملوا حاجات لكي يسعدوا هم دولا اللي بيوصلوا للاكتئاب، كتبت مرة وقلت السعادة زائر يزورك فجأة ويرحل فجأة لا يمكنك ان تستدعيه ولا يمكنك ان تستبقيه، مش منين ما تحب كده تقول له تعال ولا إذا جه تقدر تستبقيه لكن تأتي وترحل بقوانينها الخاصة غالبا تأتي كنتيجة لشيء جميل انت بتعمله عندما يتحقق الغرض عندما تصل إلى غاية معينة تكتشف انك سعيد، ما ينفعش يكون غرض الحياة هو اننا نبحث عن السعادة غرض الحياة أن نبحث عن المعنى، انك تكون لك مجموعة تنتمي لها، إنك يكون عندك غرض في الحياة عظيم أكبر من مجرد الشغل بتاعك، أن تكون مرتبط بشيء يتجاوز نفسك الصغيرة الضيقة، وأن تكون حياتك عن قصة كبيرة فصل ورا فصل، ما ينفعش تقول أنا هعيش من اجل السعادة لكن هأعيش من أجل المعنى، فكيف يكون اخطر قرار في العمر وأقوى ارتباط في العمر اللي هو الجواز من أجل السعادة؟ ما ينفعش تقول أتجوز لكي أسعد، طب أتجوز علشان ايه؟ أتجوز علشان الحب؟