محبة الله غير مشروطة لكن التمتع بمواعيد الله وبركات الله مشروطة | د. ماهر صموئيل

محبة الله غير مشروطة لكن التمتع بمواعيد الله وبركات الله مشروطة | د. ماهر صموئيل المواعيد اللي ربما تشجعني إني أستمتع بها إنه: يسير بيننا يكون لنا إلها نكون له شعبا، الرب القادر على كل شيء يكون معنا.. هذه المواعيد مشروطة بتكميل القداسة، إذا لم نكمل القداسة مش هنختبر المواعيد يا احبائي، أوعى حد يضحك عليك من فضلك و يقول لك مواعيد الله لك وأنت عايش في النجاسة وأنت الروح مدنسة، لو في دنس في للروح ما فيش اختبار للمواعيد، احيانا كلمة محبة الله الغير مشروطة بتسيطر علينا فبنفكر إن كل حاجة عند ربنا غير مشروطة، لأ لأ دي كذبة كبيرة، نعم خلاص الله بنعمته ومحبة قلبه غير مشروطة لكن التمتع بمواعيد الله وبركات الله مشروطة، اسمع كده حتى في العهد الجديد: «إن أحبني أحد يحفظ وصاياي، والذي يحبني يحبه أبي، وأنا أحبه، وأظهر له ذاتي» دي مواعيد مشروطة محبة مشروطة، فليست كل محبة من الله محبة غير مشروطة، التعليم ده أذى ناس كتيرة "ربنا ما بيزعلش مني بيزعل علي" لا يا حبيب قلبي بيزعل، "وربنا ما بيغضبش" لأ يا حبيبي الكتاب المقدس كله بيقول ان ربنا بيغضب والكتاب بيقول انه مش هيمتعك بمواعيده إذا ماكناش نكمل القداسة في خوف الله.