مرات كتير بتكون دوافعنا الخفية للعبادة نقدم شيئا لله لنضمن بركاته لنا | د. ماهر صموئيل

مرات كتير بتكون دوافعنا الخفية للعبادة نقدم شيئا لله لنضمن بركاته لنا | د. ماهر صموئيل في الديانات مفهوم العبادة مختلف تماما عن المفهوم المسيحي، في الديانات كلها العبادة هي إنك تقدم شيئا لله بس الحقيقة لما تدخل في الدوافع "عشمان في حاجة" يعني بأعمل اللي علي علشان هو يعمل اللي عليه، تقدم لكي تأخذ على منهج التجارة، فوجئنا إن يسوع بيقلب المفهوم ده في حديثه مع المرأة السامرية، لأ العبادة حاجة تانية خالص، الآب طالب مش عبادة مش مش بيشتري عبادة، مش طالب عبادة، لكن الآب طالب ساجدين، عايز الأشخاص عايز علاقة، هو مش عايز اللي أنت بتقوله ولا اللي بتعمله هو عايزك أنت، يعني إيه عايزني أنا؟ هو من الأصل خلقك تكون حاجة من خلال العلاقة معه، فالآب طالب ساجدين لكي يكونوا بشرا حقيقيين، أكون انسانا أفيض بالحضور الإلهي وأبارك واؤثر حيثما أوجد من خلال العلاقة معه، وكلمة سجود تعني حب واحترام، حالة من الحب والولاء والاحترام لشخص، فأنا أحبه وأشعر بالولاء له ومنتمي إليه لأنه هو جدير بهذا مش لأني عايز منه حاجة، ومن خلال هذا الحب والولاء والإنتماء أنا بتغير وبتطور وبتتدفق في انسانيتي فببقى بشر بابقى أرقى ما ابقاش حيوان، فالآب طالب ساجدين مش بيشتري سجود مش بيشحت عبادة، لكن مرات كتير بتكون دوافعنا الخفية للعبادة بندفع اللي علينا حتى ولو كان ثقيل لكي نضمن بركات الله لنا، الله الاب مش عايز ده، هو أب ومش عايز عبادة هو عايز عابدين هو عايز ساجدين. د. ماهر صموئيل - Dr.