الديانات تقوم على عقد صفقة مع الإله لكن المسيحية تقوم على إقامة مع الله | د. ماهر صموئيل

الديانات تقوم على عقد صفقة مع الإله لكن المسيحية تقوم على إقامة مع الله | د. ماهر صموئيل القصة مع الله الاب ليست تجارة لكنها علاقة، وهنا يأخذ بالمسيحية بعيدا جدا عن كل الديانات، بينما تقوم الديانات على عقد الصفقة مع الإله تقوم المسيحية على إقامة مع الله، وأي نوع من العلاقة؟ من الممكن تسمي التجارة علاقة تجارة، "ولما كان في أورشليم في عيد الفصح، آمن كثيرون باسمه، إذ رأوا الآيات التي صنع." (يوحنا 2: 23) يعني احنا مقتنعين، أنت هتدينا أمان وراحة ضمير و شعور بالأفضلية، بتعمل معجزات و قوي جدا، يبقى غبي اللي ما يرتبطش بك، فنحن أمنا بك، مقنع و مبهر يسوع، جميل يسوع يستحق الايمان به لأنه بيقدر يعمل آيات وبالتالي نقدر نضمن الإحتياجات التلاتة اللي احنا عايزينها، "لكن يسوع لم يأتمنهم على نفسه، لأنه كان يعرف الجميع" الكلمة دي قوية أوي ما بلقلهاش حتة تتطبق فيها إلا الزواج، أكتر كلمة ممكن توصف زيجة سعيدة بحق ان الزوجة لما قبلت ترتبط بالزوج وهو ائتمنها على نفسه، وأكتر شيء مؤلم في الجواز، وأكتر شيء بيحطم الزواج هو الخيانة لأنه لما نقول الخيانة دي قاتلة مدمرة، الزواج هو حالة ائتمان، أقدس أنواع العلاقات عندما ائتمن شخص على نفسي أنا بثق فيه أنا بحبه أنا متأكد من إنه قد المسؤولية، فهو أمين ومسؤول، يعني يسوع كان عايز يدخل في علاقة مع ناس يأتمنهم على نفسه، يعني يكونوا أمناء محبين مسئولين، هذه هي المسيحية، المسيحية هي دخول في علاقة مع أشخاص بهذه النوعية، مش تجارة مش يا رب هنجي هنعبدك هنعيش لك وهنآمن بالتعاليم بتاعتك، عايز مننا عشور، وأنت في المقابل تحمينا وتشفينا وتطمنا وتغفر لنا وتدينا. د. ماهر صموئيل - Dr.