أوعى تفكر في روحك بشكل سلبي وتكره نفسك، كيف أكره من أحبه الله؟ | د. ماهر صموئيل

أوعى تفكر في روحك بشكل سلبي وتكره نفسك، كيف أكره من أحبه الله؟ | د. ماهر صموئيل من يبغض نفسه في هذا العالم يحفظها، مش يعني تبص في المراية وتقول لها بكرهك، أوعى تعمل كده بالعكس، الرب عايزك تبص لنفسك وتقول لها بحبك، تعرفي ليه بحبك؟ لأن يسوع حبك، أوعى تفكر في روحك بشكل سلبي وتكره روحك، كيف أكره من أحبه الله؟ يبقى ما عنديش ذوق حتى، إذا كان الرب دايما بيبص لي بيقول لي "صرت عزيزا في عيني مكرما وأنا قد أنا أحببتك، عايزك تحب نفسك تحبها بإنك تدور لها على اللي يحييها وترجع لها انسانيتها، أه ابغضها لما تحاول تشدك بعيد عن مصدر الحياة، ابغض أي محاولة داخلية تقودك بعيدا مصدر الحياة، هو ده ابغاض النفس، فابغاض النفس مش إنك تكره شكلك ولا تكره جسمك ولا إنك تكره حقوقك، لازم تدور على حقوقك ولازم تحترم نفسك، ولازم تلزم الأخرين إنهم يحترموك، ده اللي الرب عايزنا نعيشه في كرامة ومجد وبقاء، لكن ليس بالإنفصال عن الله، "أتيت لتكون لهم حياة ويكون لهم أفضل" فلا دعوة إطلاقا لكراهية الجسد ولا لكراهية النفس، لكن ما يقصده يسوع يبغض نفسه إنك تقرر تبقى بتقود حياتك ليس بالإستقلال عن إلهك، وعشان كده الحياة لها معنى ولها طعم.