الفرح والبركة واستخدام الرب تتعطل بسبب الأشياء البسيطة التي تدنس الروح | د. ماهر صموئيل

الفرح والبركة واستخدام الرب تتعطل بسبب الأشياء البسيطة التي تدنس الروح | د. ماهر صموئيل مكملين القداسة.. أنا عايز حاجات كتير من ربنا، عايز مواعيده عايز خدمته عايز أفرح بإنه يستخدمني عايز يباركني عايز أعيش حياة تستاهل تتعاش عايز أفرح انا عايز أكبر عايز أأثر عايز أفرق عايز أوصل للغرض مش عايز أتعطل مش عايز حاجة تشنكلني مش عايز انتهي سيئا، آه يا اخوتي وأنا باشوف بعض الرجال اللي بيبدأوا حسن وبيستمروا حسن وبينتهوا غير حسن، بيصعبوا علي قوي لما أشوفهم في شيخوختهم بينتهوا النهاية اللي كانوا عمرهم ما يتخيلوها ولا يتمنوها، بيكسروا قلبي عندما يعمل يعمل ثم في لحظة ينتهي كل ما عمل لما يبقى شهرة ومجد وكرامة وينتهي بفضيحة، ودي ممكن تحصل؟ "احذروا لروحكم" إذا حدث هذا لا تلوم إلا نفسك لأنك لم تحذر لو كان يحذر لروحه من الثعالب الصغيرة من الأشياء البسيطة التي تدنس الروح ما كانش وقع ما كانش اتكسر، أوعى تفكر إنك هتتكسر لوحدك، إذا اتكسرت هتكسر كتير حواليك وعلى قد اتساع رقعة تأثيرك على قد عدد المتكسرين اللي هتكسرهم وراك، الخطية لا تنحصر نتائجها في فاعلها.