الضبط الدقيق لكوكب الأرض يؤكد على وجود ضابط لكل شيء | د. ماهر صموئيل

الضبط الدقيق لكوكب الأرض يؤكد على وجود ضابط لكل شيء | د. ماهر صموئيل هذا الضبط الدقيق لهذا الكوكب، بالبداهة وبالفطرة أي تصميم بتشوفه لابد من مصمم، أي شيء مضبوط لابد من ضابط، ما ينفعش أبدا تقنعني إن الفوضى تنتج النظام بدون شيء! الكرة الأرضية دي بكل ثقلها معلقة في الفضاء على لا شيء، في أي لحظة من اللحظات هذه الكرة تتحرك ثلاث حركات، بتدور حول نفسها بسرعة تقدر توصل من القاهرة لأسوان وترجع في حوالي ساعة، دي سرعتها حوالين نفسها، وبتدور حوالين الشمس بسرعة تروح من القاهرة لأسوان وترجع في دقيقة، وفي نفس الوقت هي بتدور حوالين نفسها وبتدور حوالين الشمس وبتمشي بسرعة مجنونة في خط مستقيم بسرعة توديها من القاهرة لأسوان وترجعها في 8 ثواني، تركيبة الصخور والمواد المكونة منها، وازاي إن في غلاف جوي محيط، وإن فيها مية، وكل حاجة مضبوطة بشكل رهيب بحيث إنها تسمح بوجود الحياة البشرية على الأرض، لو اختلت التركيبة الكيميائية لمادة الأرض لو اختلت التركيبة الهوائية الغازية للغلاف الجوي لو اختلت السرعات الثلاثة لو بطئت ولا اتسرعت ولو جزء من المليون في الثانية ستنهار الحياة على الأرض.